Sākums tournet@tournet.lv
Trešdiena, 8. decembris Gunārs, Vladimirs, Gunis
 Ceļojumu mērķi
 Novadi / Pilsētas
 Apskatāmās vietas
 Piedāvājumi
 Konsultācijas
 Transports
 Naktsmītnes
 Projektu atbalsta

attēli | bibliogrāfija | kartes | teikas un apraksti

Teikas un ceļojumu apraksti

          Uzkōpam skotu tūrņa laukumeņa, kur ir turistu golds un sūleni. Nivīnam nanōk prōtā tur apsasēst, ni vēļ ari tūrnī kōpt, jo bez kaidim augstōkim pakōpīnim nu šōs vītas atsaver golvu reibynojušs skots uz trejom debess pusem. Pyrms cytu volūdu izaraiseišonas, ōtri uzskaņojam bolsus Stroda-Plencinīka dzīsmei, un tei īt vaļā:
          „Nūtric kolni lejas" ...
          Tai ka šei dzīsme ir vysim labi pazeistama, tōpēc te tōs melodiju un tōļōku tekstu naminēšu. Pēc pacylōti nūskandynōtōs dzīsmes nūtyka burveigōs Sauleskolna apkōrtnes vārōšona, un nu pavodūnim dzērdējom kaut kū leidzeigu eisai lekcijai par tur zolgojušajim dažaida leluma azarim.
          Vysu skotim vyspyrms atsaver lelais Sīvera azars, un, verūt skotus pa kreisu atspeid daudzi cyti, kurim pōri radzama boltō Aulejas bazneica, kuras zvonu skaņas reitūs un vokora stuņdēsleigoj pōri vysim azarim. Vairōk pa lobū ir radzams lelais Drydža azars, kurs ar sovu ōrejū formu veidoj zyrga attālu, bet par taidu jū tūmar nasauc. Zyrga azars ir kaut kur tōļōk. Drydža azars asūt vīns nu dziļōkajim Latvijā. Vairōkōs vītōs tys pōrsnādzūt 65 metri dziļumā. Azars ir uz Skaistas un uzKrōslovas pogosta rūbeža. Azara plateiba asūt ap 7 1/2 kv. kilometri; garuma linejā tys snādzūtīs leidz 11 km, bet plotumā nu 10 metrim leidz 2 kilometrim. Azarā asūt 9 solas, nu kurom vīna radzama krītni lela. Nu šō azara iztak 109 km garō Dubnas upe, kas pi Leivōnim ītak Daugovā.
          Kod jau pyrmī īspaidi un paskaidrōjumi tyka uzjimti ceļōtōju saprōtā, varēja sōktīs uzkōpšona skotu tūrnī. Na kotrys varēja uzkōpt leidz tūrņa augšejai greideņai, jo daudzim jau nu pyrmō tiļteņa reiba golva, verūtīs uz Dīva dōrzu un zolgojušajim azarim vysapkōrt.
          Sauleskolna augstōkais punkts ir 211 metru vērs jyuras līmiņa. Nu augsto skotu tūrņa, kas ir uz kolna augstōkō punkta, pētnīki un turisti ir saskaitejuši (skaidrā laikā) 26 dažaida leluma azarus, kurim saklaušynōti šaidi nūsaukumi: Drydža, Jūda, Guļbeiša, Aulejas, Gaušļu, Plaužu, Zosnas, Sīvera, Kaušūnu, Pūra, Dybyna, Lejas, Cārmaņu, Iļzeites, Zyrga, Ōrdavas un cyti, kuru nūsaukumi nav pī-mynati.
          Sauleskolnam vysapkōrt augušū bērzi sauc par „Dīva dōrzu". Šaida nūsaukuma devēji šai breiniškeigajai vītai nav maldejušīs, dūdūt šū ratū vītas nūsaukumu. Apbreinojama ir dīnavydrītumu puses dziļō grova ar daudzim kūku un kryumōju augim un ar bogōteigim sovvaļas puču zīdim un zōļaugim . . .
             Pyrms dūdamēs tōļōkā ceļā, ījemam vītas pi tūristu goldim tūrņa pakōjē un īturim launagu ar skaļom un jautrom pōrrunom. Pēc tam sīvītes pagōdoj pa kaidam Dīva dōrza zīdam voi kaidu cytu zaļrūtas zareņu, un sasapuļcejam, lai ījimtu vītas busā; nūskaņ vīna dzīsme, un buss jau lānā gaitā sleid uz leju. Dūdamēs pa skaistu ceļu uz Krōslovu. Saule jau ir nūgōjuse labi pazamu, tōpēc nuskandynojam „Sauleit tecēj tacādama" . . .

P. Zariņš Leiksnas bazneicas kors īpasazeist (1938. gadā - red. piezīme) ar dzymtū zemi // Tāvu zeme: Rakstu krājums. - München, 1972.

 Aktualitātes
 Laika prognoze
 Ceļojumu iespaidi
 Informācija
 Rekomendācijas
 Mācību materiāli


uz augšu

Jūsu informācijas drošība | Autortiesības | Reklāmas ievietošana | Sadarbības iespējas
© SIA Pilsoņu Forums © Dizains: Agris Dzilna