Teikas un ceļojumu apraksti

          Viļāni ir mozōkō piļsāta Rēzeknes apriņķī. Viļānim īt cauri Ventspiļs-Rēzeknes dzelžceļš un garō Maltas upe. Piļsāta ir izaveidōjuse uz upes lobō krosta. Viļāni atsateistejuši pi senejō muižas centra, kas mynats jau 1495. goda. 1753. godā tur uzcalts klūsteris un nadaudz vālōk Sv. Mikeļa erc. katōļu bazneica. 19. godu symtā tur uzcaltas dažas fabrikas kai tekstiliju un odu apstrōdōšonas uzjāmumi, ap 80 dažaidas darbineicas un 152 veikali. Piļsātā ir 312 mōjas, nu kurom 90 °/o vīnstōvu kūka byuves. Nu jaukto īdzeivōtōju skaita ir 42 °/o latvīšu, 30 % žeidu un 23 % lelkrīvu, kūpskaitā ap 4300 īdzeivōtōju. Apsavērem bazneicu, kurā naseņ beja beidzis dīvkolpōjums. Bazneicas greidu slauceja vīns klūstera mūks, kurs napacēle ocu nu slūtas gola un nu greidas.
           Apsavērem ari klūstera ustobas. Mozs gaļdeņš, krēsleņš un kailu dēļu gulta. Mūki sarunōs naīsalaide. Piļsātas apvyda rītumu nūmale pōrīt Malīnas-Lubōna leidzonumā.